لا جيت صوب الورد ودك تلمه
ما تدري ان الورد وده يلمك
لا صار بين إيديك وردٍ تضمه
انتَ تشم الورد وإلا يشـــمك
جوي بقربك ينتعش بك وأشمه
نرجس وفل وياسمينٍ يعـــمك
يا بعد كل الورد خاله وعمـــــه
يا بعد من هو في عيونه يضمك
وإلا العيون اللي لها رماح جمــه
من شافهن نوخ به الشوف يمك
والشعر الاسود شايل الليل همــه
زاده سواد وشكوته لا تهمـــــك
اللي يشوفك باقي الحسن ذمـــه
إلا القمر من غيرته منك ذمـــــك
قربك فرح والحزن بيحت دمــــــه
محلا سواليفك ويا خف دمـــــك
في ذمتك ..في ذمتك ....قلت ذمه
إنتَ تلم الورد وإلا يلمــــــــــــك
الإثنين يوليو 28, 2008 7:34 pm
